DBH 3 eta 4ko ikasleek Ikastolako Aldizkari Digitala sortzen dute (testua, audioa eta bideoa), kazetari profesional baten dinamizazioarekin eta irakaslearen laguntzarekin. Aldizkaria ikasleek kudeatu, zuzendu eta idazten dute, eta hiruhileko bakoitzean newsletter bat bidaltzen zaio hezkuntza-komunitate osoari (irakasleak, familiak, bizilagunak, etab.).
Diziplina anitzeko proposamena da, pentsamendu kritikoa sustatzeko, konpetentzia digitalak aplikatzeko, ahozko eta idatzizko hizkuntza indartzeko, talde-lana indartzeko eta adierazpen-askatasuna bultzatzeko.
Zer irakaskuntza garatuko dituzte ikasleek?
- Informazioa aztertzen, egituratzen eta idazten ikasiko dute kazetari profesional eta irakasleen laguntzarekin, eta Ikastolako Aldizkari Digitalean argitaratuko dute.
- Informazioa kontrastatzearen garrantzia ikasiko dute. Adibide praktikoetatik abiatuta informazio-iturri ofizialak identifikatzen eta horiekin lan egiten ikasiko dute, informazioa fake news-etatik bereizteko.
- Plan pertsonalizatu baten bidez praktikan jarriko diren kazetaritza-generoak landuko dituzte.
- Komunikabideek gizartean duten zeregina eta informazio-aniztasunak duen garrantzia aztertuko dute.
- Komunikatzeko eta informatzeko gaitasun digitalak aplikatuko dituzte.
- Erredaktore juniorren egiaztagiriarekin Kultura, kirol eta gizarte ekitaldien berri emango dute.
- Ahozko eta idatzizko adierazpena garatuko dute.
- Konpetentzia digitala garatuko dute. WordPress tresna erabiliko dute, eta SEO posizionamendu-teknikak eta erabiltzaileak aztertzeko teknikak ezagutuko dituzte.
- Gaurkotasun-gai nagusiak landuko dituzte.
